Corre cabaciña

Seguimos coa lectura de contos, primeiro  foi Rodrigo acompañado de Carla e Marta con "Corre , corre cabaciña" e para rematar Ana e María leron  "Quen levou a Lúa?           
Xa estamos esperando o próximo martes. Que conto será?

Apadriñamentos lectores

Todos os martes,  os nenos e nenas de 6ºB,  visitarán aos nenos de infantil 5ºB   para lerlles contos. Xa comezaron Carla e Marta coa Ratiña presumida, Laura e Uxío con Quen  pode vencer ao vento e este último martes foron Emma e Samuel  que lle contaron Lobo feroz .
Mirade que  ben o pasaron. Seguiremos poñendo imaxes dos outros grupos de padriños e madriñas cos seus afillados, isto non fixo máis que empezar!

VISITA DE MARÍA CANOSA

Hoxe o alumnado de 5º recibeu a visita de María Canosa, que veu a contarnos moitas cousas de Muriel, ese neno que bota de menos a súa avoa. A que lle contaba contos, lle facía bufandas, coa que conversaba e que un día xa non está con eles. A súa perda non o deixa durmir ata que un bo día aparece Figaro e Blim, e a historia da un cambio inesperado.

María transmite ternura e ilusión nas súas palabras as mesmas que usa nos seus libros.

      Gracias María, esperámoste co próximo libro!

                                            

CONCURSO RECITADO "ROSALÍA SEMPRE VIVA"

O 10 de marzo, os nosos nenos de 1º de Primaria participaron no Concurso de recitado "Rosalía sempe viva" na casa-museo Manuel María. Recitaron e cantaron "A vaca", do libro Os soños na gaiola. Aquí  deixámosvos este video para que vexades que ben o fixeron.

CARLOS CASARES

Preséntovos unha escolma de actividades realizadas por rapaces e rapazas doutros coles para que vós sirvan de inspiración.

Contacontos das aventuras de Toribio

A galiña azul coa canción das cuncas

Adaptación da obra "Lolo anda en bicicleta"

Día de Rosalía

O próximo 24 de febreiro conmemoramos o nacemento de Rosalía e para recordala deixámosvos estes dous videos.

Rosalía pequeniña cantada por Uxía

Adios ríos, adios fontes   versión de Lucía Pérez

Adiós ríos, adiós fontes

Adiós ríos, adiós fontes
adiós, regatos pequenos;
adiós, vista dos meus ollos,
non sei cándo nos veremos.
Miña terra, miña terra,
terra donde m’eu criei,
hortiña que quero tanto,
figueiriñas que prantei.
Prados, ríos, arboredas,
pinares que move o vento,
paxariños piadores,
casiña d’o meu contento.
Muiño dos castañares,
noites craras do luar,
campaniñas timbradoiras
da igrexiña do lugar.
Amoriñas das silveiras
que eu lle daba ó meu amor,
camiñiños antre o millo,
¡adiós para sempre adiós!
¡Adiós, gloria! ¡Adiós, contento!
¡Deixo a casa onde nacín,
deixo a aldea que conoso,
por un mundo que non vin!
Deixo amigos por extraños,
deixo a veiga polo mar;
deixo, en fin, canto ben quero…
¡quén puidera non deixar!
[…]
Adiós, adiós, que me vou,
herbiñas do camposanto,
donde meu pai se enterrou,
herbiñas que biquei tanto,
terriña que nos criou.
[…]
Xa se oien lonxe, moi lonxe,
as campanas do pomar;
para min, ¡ai!, coitadiño,
nunca máis han de tocar.
[…]
¡Adiós tamén, queridiña…
Adiós por sempre quizáis!…
Dígoche este adiós chorando
desde a beiriña do mar.
Non me olvides, queridiña,
si morro de soidás…
tantas légoas mar adentro…
¡Miña casiña!, ¡meu lar!

MURAIS DE OUTONO