martes, 16 de mayo de 2023

martes, 14 de febrero de 2023

I CENTENARIO DO PASAMENTO DE MANUEL MURGUÍA

Este mes de febreiro cúmprese o centenario do pasamento de Manuel Murguía, historiador, escritor e creador e primeiro presidente da Real Academia Galega.

Con tal motivo o profesorado dun grupo de centros de ensino coruñeses elaboraron un paquete de actividades sobre Murguía destinada ao alumnado de primaria.



Clicade na imaxe.




sábado, 11 de febrero de 2023

jueves, 9 de febrero de 2023

RECURSOS PARA O DÍA DE ROSALÍA 1


O equipo de dinamización da lingua galega do CEIP Luís Seoane, de Oleiros, A Coruña, comparte con nós estas unidades didácticas para o Día de Rosalia, o 23 de Febreiro,  dirixidas a alumnos e alumnas a partir de 4º nivel de Educación Primaria .

 

Contan coa colaboración da Real Academia Galega e a Fundación Casa de Rosalía. Cada unidade didáctica está composta por un díptico en A4, para imprimir en dobre cara, unha guía de emprego e exploración para o profesorado e unhas pequenas actividades escritas, integrado todo nun documento PDF.

 

As dúas primeiras destas unidades van dedicadas ás dúas obras de Rosalía: “Cantares gallegos” e “Follas novas”. Inclúense fragmentos de poemas de cada un dos libros, unha moi breve explicación do seu significado ou importancia, e ligazóns a material suplementario, como vídeos ou versións musicais dos poemas. Deixamos aquí abaixo o enlace a todo o material (Edugaliza)

Edugaliza

miércoles, 8 de febrero de 2023

miércoles, 25 de enero de 2023

A CANDELORIA


DÍA DA  CANDELORIA

2 DE FEBREIRO


Esta celebración ven de moi antigo, dos tempos celtas. En Galicia é o día do casamento dos paxaros. E representa o renacer da natureza pola proximidade da primavera. Para os mariñeiros era o comezo da navegación despois da longa espera do inverno.

A candeloria é unha palabra que ten a orixe no substantivo latino candela -ae, ‘luz alimentada con cera ou sebo’, termo co que se crea no latín tardío festa candelarum, ‘a festa das candeas’, que chega a nós acurtando a locución. Celébrase o día 2 de febreiro, época importante no ciclo astronómico, pois coincide coa metade do inverno, no intre xusto entre o solsticio da estación fría e o equinoccio de primavera, (pola candeloria, medio inverno vai fóra), no momento en que medran os días e a natureza comeza a preparar o estourido de vida que está a chegar. 

A voda dos paxariños 

A partir da candeloria, ningunha ave voa soa di o refrán para lembrar que o mes de febreiro comeza, na cultura popular, cunha celebración ben especial, xa que casan os paxariños, comeza o retorno das aves migratorias e os cortexos preludian o renacer primaveral.

Refráns polo Día da Candeloria

  • Pola Candeloria ningunha ave voa soa.

  • Se a Candeloria chora, o inverno vai fóra. Se a Candeloria ri, o inverno está por vir; pero que ría e que cante hai inverno para tras e para diante.